Accueil ISTASEUniversité Jean Monnet

Side nav buttonsLe portail pédagogique de l'ISTASE, l'annuaire des profs et etudiants, les inscriptions aux projets, les exams en lignes, etc...Les news de l'ISTASE, conférences, évènements ...Le projet Eden3 - Enseignement à distanceVie etudiante, associations, logement, ...Comment venir à l'ISTASE, l'environnement de l'ISTASELes contacts avec l'industrie, les débouchés, les emploisQui peut candidater, télécharger les dossiers de candidatureLes différents diplômes préparés à l'ISTASEPresentation de l'ISTASE

Prèsentacion de l'ESTASE

L'ESTASE (L'Enstitut Supèrior des Tècniques Avanciêes de Sant-Etiève) at étâ crèâ en l'an 1991 (dècrèt du 13 de sèptembro) aprés l'avis favorâblo de la Comicion des Titros. Quél enstitut de l'Univèrsitât Jian Monnet fôrme en três ans des engèniors a BAC + 5 qu'ocupont des places de câdros dens l'endustria.

Lo cursus est vèriê sur les disciplines de l'èlèctronica, l'optica, l'enformatica, lo trètament du signâl, la micro-enformatica endustriâla, los malyâjos, les tèlècomunicacions et l'émâge. t>

Il mène u titro
d'engènior ESTASE
en Elèctronica et Optica
ou Tèlècomunicacions et Malyâjos
ou Imagerie Numérique et Vision

La formacion sè fêt en liem pèrmanent avouéc lo mondo du travâly : en èfet los endustriâls entèrvegnont dens l'ensègnement. En plus los ètudients dêvont fâre pendent lor scolaritât un stajo ovriér dens lo premiér an et un stajo de fin d'ètudes que dure 5 mês dens lo 3iémo an. Pendent quél darriér l'ètudient dêt afrontar los problèmos de rechèrche et de dèvelopament endustriâl.

L'ESTASE propôse asse-ben na formacion originâla d'engènior en aprentissâjo que méne u titro
d'Engènior ESTASE en
Optica et Vision Endustriâla

Dês l'an 2000-2001, l'ESTASE balye la possibletât a des èlèvos de trêsièmo an de continuar lor formacion d'engènior dens na entreprêsa pendent nôf mês en siuvent lo tèlè-ensègnement.

La possibletât de prèparar en mémo temps un DEA (Diplomo d'Etudes Aprovondies) dens lo 3iémo an est asse-ben balyêe a des èlèvos. Quelos diplomâs pôvont continuar en Tèsa de Doctorat ou ben ils rentront tot de suite dens l'endustria. Los ètudients diplomâs pôvont asse-ben prèparar un DRT (Diplomo de Rechèrche Tecnologica).

L'ensègnement balyê a l'ESTASE, que sè vôt pluridisciplinèro, rèpond ux multiplos ofros de places de travaly reciues tos los jorns.